قصيدة جميلة للشاعر بن قيطون

خيــــــــــــــــــــــرة أبن الدونان***يا لزرق يحميك في ضني
تديش ذا العنوان*** لولادة بوزيد بعــــــــــــدوني
لوكـــــــــــانك طيار***يا مضنوني واه خف أشطار
بالاك من لطيار***ماتامنش طيور سيفاني
بالاك وأستحذر***أسرش والليلة بكر
بالاك لاتعثر***سلم عنهم قاع وتجيني
لحباب يا لحباب***نجعي نجعي وين قالوا غاب
فرقوه عالشعاب***مشين خبر اللي علا وذني
كي طاح محمد*** والسرسور عليه ملمد
مجروح ويكمد***متأثر باجراح دخلاني
ماجاش بن عياش***راعي لشهب يابني رياش
زدموا ما ولاش ***رجع سرسور ظهراني
يا راعي الصبار***ثاني ثاني عيدلي لخبار
أنا راه قلبي طار ***عن خوتي لشراف بعدوني
طيور بحرية***راحو ما ولاوشي ليا
ما جاوش هنايا***سيوده داواو العرباني
صدوا أقتوت كبار***راحوا ما أبقاش الدوار
دواوهم كفار***شمت بيهم ذا النصراني
كانوا مجمولين***وحصن وفراشات مبسوطين
عادوا مسجونين*** في حبسا لاشافتو عيني
نبكي نظل ننوح***بي خوتي غرامهم مريوح
ما صبت وين نروح***ثارت في قاع لمحاني
نبكي على خوتي***اللي ما ولاوش لبيتي
خلاوني موتي*** ومغير بجراح دخلاني
ناديت يا كفرة ***و الله ان يحياو فالصحراء
لبطال في شهرة***ونحقق فيهم باعياني
يا خالق لبحور***رد النجع اللي غدا منشور
عني لاباش يدور***تتشتت عن كل لوطاني
كي جاو من ظهرة***ويريح نجعي فالصحراء
وخيول في شهرة***ركبوهم شبان عجبوني
قيطان من وردي***ولبرانس رقاق جريدي
ومحازم تقدي*** من ذهب الغاية اللي يغني
بارودهم لقم***فايص كيف الواد يتلطم
ثعبان يتلملم***سمو قاطع خوذوها مني
يا باسط النعمة***أجمعهم كيما أجمعت الماء
يا باسط النعمة ***أبسط عنهم كل ما يغني
بأسمك يا القدوس***أرفعهم كيما ارفعت أدريس
في جنة الفردوس***وأجعلهم في ذاك(....)
يا خالق الأمة***أجمعهم كيما أجمعت الماء
يا باسط النعمة***جيبلهم سلطان حقاني
إن شاء الله يسعد***اللي جاب القول فيه يقد
أسماه محمد***في نسبه معروف قيطون
معشوق بالنية***ما بيا لا مال لادنيا
بيا اللي بيا***خوتي خوتي حبهم يسني

الله الله الله أكبر كلام لمرتب قالوه اللولين اللهم أرحمهم برحمتك يا أرحم الراحمين

بسم الله الرحمن الرحيم
ابن العم سليم تحية متأخرة لك ولكل من شارك وبارك الله فيك على هذا الشعر الذي يحي النفوس التي ماتت فبارك الله فيك وشكرا