إمتحان هـــــــــــــــــــوى

بإسم الله بديت نظمي نتوسل***جيتك شاكي يا السلطان العالي
ياربي سيدي طلبتك وتكمل***بجاه الصلاح لول والتالي
كمل لي بطاعتك بها نعمل***وأختم لي بالخير وأصلح لي حالي
الطف يا ربي بعبدك مايحمل***عني ضاق العيش وتغير حالي
من فقد الأحباب حيطمني طول***ما جايش حبيب يطفي مشعالي
الحمة تسني والدمع أتهطل***وعقلي مخطوف وجسمي بالي
الله لا ملجوم معلوف مصيل***أزرق قمري لاح غمد من تالي
عنقوا تايق ضايق روح يصهل***سرجو بالمجبود ينزل عن بالي
في فرسان ملاح كرما كمل***أنشقوا لفجوج في البر الخالي
أنزوروا لحباب ألأول فالأول***تتفاجا لضرار يتفك خيا لي
يا بوزيد بطيت لينا دور أعجل***يازين الشيعات والقدر العالي
يا طرشون الحوم خير الأمدلل***بوشعالة نيف وأتجي عن حالي
ناديتك مضيوم غزلي متخبل***صادتني محنة وكثر تهوالي
راني ولدك ليك عنك ندلل***تعزم تاتي غيثني وجبر حالي
أسمي بعد الليف نزل حرف الدل***زيد الر والياء والسين يوالي
مدة ست سنين عن وطني هامل***لكن عند أصول نزل عن بالي
ذوك أولاد الفول برهوم الواصل***إذا ثار الهول يحموا المشالي
وأتفكرت ثار حمان ينمل***باقي نخطر شور عزي ودلالي
ذي العقد وفات رمز اليا والدل***سنة الستين بحمد العالي
بعد شي سين رمزها كمل***جيتك شاكي يا السلطان العالي

شكرا على القصيده راهي حركت المواجع وخلاتني نندها بها اجدادي